Idara ya Afya ni mojawapo ya Idara zinazotoa huduma za jamii katika Halmashauri ya Mji Geita. Halmashauri ina vituo vya kutolea Huduma za Afya 20, ambavyo 6 ni vya serikali, 3 mashirika ya dini, 10 vya watu binafsi, 1 ni cha kampuni ya Mgodi wa uchimbaji madini ya dhahabu Geita(GGM).
Katika vituo hivyo vya kutolea huduma za Afya kuna Hospitali 3 (Hospitali ya rufaa ya Mkoa, waja na Makoye), vituo vya Afya 3 (kasamwa, Nyankumbu, Upendo na GGM) Zahanati 13 (Nyakabale, Bulela, Bunegezi,Bungwangoko, Sakamu,TCMC, Kasamwa SDA, Vaticana, St Peter,Samaritan, Msufini, Magereza, Tumaini na Nduguru).
HUDUMA ZITOLEWAZO NA IDARA
Huduma za Afya ya Mama na Mtoto
Chanjo kwa watoto umri chini ya miaka mitano na akina mama wenye umri wa miaka 15 hadi 45
Matibabu ya wagonjwa wa Nje na wa kulazwa
Huduma za kifua kikuu na Ukoma
Huduma za Upimaji wa Virusi vya Ukimwi, ushauri Nasaha na utoaji wa dawa za kufubaza virusi vya Ukimwi
Huduma rafiki kwa vijana
Huduma za Afya ya Uzazi
Matibabu ya magonjwa yaliyokuwa hayapewi kipaumbele
Matibabu yasiyoambukizwa
JINSI HUDUMA ZINAVYOPATIKANA
Huduma hutolewa kwa wananchi wote wa Halmashauri ya Mji kwa mgawanyiko wa makundi matano (5) kama ifuatavyo;-
Watoto chini ya Umri wa Miaka mitano na Akina mama wajawazito ambao matibabu yao ni bure
Wateja wa Bima ya Afya ya Taifa (NHIF)
Wateja wa mfuko wa Afya ya Jamii (TIKA)
Wateja wa Msamaha na Wazee
Wateja wa Papo kwa Papo ambao hawapo kwenye mfuko wowote
