Tourist Attractions

Utalii

Halmashauri ya Mji wa Geita ina vivutio vinavyoonyesha maeneo ya kale yaliyokuwa yakitumika na ambayo yanaendelea kutumika kwa ajili ya matambiko mbalimbali kama Bao la kale lililoko kwenye mwamba, unyayo wa mtu wa kale ulioko kwenye mwamba, kisima cha maji kisichokauka kilichoko juu ya mwamba, jiwe  lililoko juu ya mwamba lenye umbo la ramani ya Afrika na jiwe linaloonyesha umbo la ng'ombe aliyelala. Vivutio vyote vilivyoelezewa hapo viko katika kata ya Bulela. Katika mji wa Geita kuna majengo ya kale, kiwanja na chanzo cha maji kisichokauka kama kivutio kwa ajili ya kumbukumbu kwa wakazi wa Geita mjini.

Uwepo wa Mgodi mkubwa wa Dhahabu wa Geita kwenye mitaa ya Nyamalembo na Nyakabale katika kata ya Mtakuja. Ni mgodi wa pili kwa ukubwa Afrika kwa uzalishaji wa dhahabu. Picha hapo chini ikionesha machimbo ya ndani( underground pit) katika Mgodi wa Dhahabu wa Geita ambayo ni kivutio kikubwa kwa wageni watokao nje ya nchi na watanzania wenyewe kwa ujumla.